S’wak ngerikod kluster baru Covid-19

KUCHING: Siti kluster pengereja menua luar ditemu kemari berindik ari siku pengereja Indonesia ba nengeri tu ditemu positif Covid-19, seharitu.

Pekara nya ngujungka bisi siti kes positif di Sarawak seharitu lalu kes positif ba nengeri tu nambah ngagai 556 kes.

Sapit Kepala Menteri ti mega nyadi Chairman Komiti Penyangga Penusah Ngenyit Nengeri Sarawak (JPBNS) madahka kes positif ke baru nya ngaul siku rayat Indonesia ditemu bisi kaul semak enggau kes positif ti diripotka nyadi 7 June tu tadi.

“Tu siti kluster baru nyadi di Sarawak lalu Opis Pengerai Nengeri Sarawak (JKNS) deka bejalaika Operasyen Nyidi Kes Aktif (ACD) ba taba projek Jalai Keretapi enggau genturung pendiau sida di Sungai Moyan ditu,” ku iya.

Uggah madah munyi nya ba aum pemberita pasal Covid-19 di Begunan Dun Lama ditu tadi.