ARTIKEL

Swinburne muka Diploma Pelajar Tumu Nembiak Mit berengkah September tu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Universiti Swinburne Pampang Sarawak diatu muka Diploma Pelajar Tumu Nembiak Mit dikena nyeraris juluk Perintah Sarawak nentu ke semua pengajar pelajar tumu nembiak mit Taska enggau Tadika ngembuan penau.

Menteri Pemansang Indu, Nembiak Mit enggau Pengelantang Komuniti, Datuk Seri Fatimah Abdullah madahka diploma tu seraris enggau perati sereta peminta jeman diatu ungkup ngemanah pelajar tumu nembiak mit ba Sarawak.

“Dikena nyendia pelajar ti bekualiti ngagai nembiak prasekula, kitai begunaka raban pengajar ti dilatih enggau ulih nangkup pengawa nya ba sukut penemu enggau penau.

“Kami mega andal ke kus ti dibuka ba Swinburne ari sukut kurikulum, ke alai opis menteri mega deka meri sanding penemu bekaul pekara ti patut dipasuk ba program tu ila,” ku iya.

Fatimah bejaku munyi nya rambau aum pemberita pengudah nerima penemuai basa ari raban Universiti Swinburne Pampang Sarawak ba opis iya di Begunan Baitulmakmur, ditu tadi.

Ku iya, opis menteri udah nagit manggai taun 2024, semua pengajar Sedidik ba Taska enggau Tadika deka ngembuan abis nadai diploma ba pelajar tumu nembiak mit di menua tu.

BERITA LAIN

BERITA TERBARU