Tadika tau ngena sistem dua renggat

KUCHING: Operator tadika tau bejalaika operasyen ngena dua renggat, pagi enggau lemai tauka sistem begintir dikena mutar penanggul sekut ba palan sida.

Menteri Pengintu Pengelantang Pendiau, Komuniti, Orang Indu enggau Pemansang Anak Mit, Datuk Seri Fatimah Abdullah, madah, bebida enggau taska, penyampau tubuh nembiak mit ba tadika mayuh agi.

“Taja pia, pekara tu meseti disetuju operator tadika enggau apai indai sebedau tadika dibuka 1 Julai tu.

“Lebuh kami betanya ngagai operator tadika pasal takah enggau pangan diri, bisi sekeda sida madah deka nguna bilik bukai ti enda dikena sebedau tu.

“Ari nya, takah bala nembiak ulih dijaga lalu bilik enda kelalu sekut,” terang iya iya.

Fatimah bejaku munyi nya ba aum pemberita sentang pengawa Muka Baru Tadika di Sarawak ba Begunan Baitulmakmur ditu, tadi.

Suara Sarawak