Tagit 1,200 tiang pemanchar arus penyambung datai ba taun 2022

MIRI: Perintah Sarawak nagit nirika 1,200 iti tiang pemanchar arus penyambung datai ba taun 2022.

Kepala Menteri, Datuk Patinggi Abang Johari Tun Openg madahka tagit nya seriris enggau langkar polisi ekonomi digital dipejalai kenyau ari 2017 suba.

Ku iya, naka diatu perintah nengeri nengah Kaunsil Multimedia Sarawak (SMA) udah mujur nirika 600 iti tiang pemanchar arus penyambung.

“Nengah Komiti Komunikasyen enggau Multimedia Malaysia (SKMM) mega, 686 iti tiang pemanchar tambah didiri nengah Skim Kaul Digital Menua (Jendela).

“Nya alai lebih 1,200 iti tiang pemanchar arus penyambung didirika ba Sarawak sebedau 2022,” ku iya.

Abang Johari mansutka jaku nya lebuh dipebasa ngelancharka rentayan arus penyambung deras di Mulu ditu pagi tadi.

Suara Sarawak