KUCHING: Manggai taun 2023, Sarawak patut ngemansutka 75 peratus penyampau eksport kayu nyengkaum eksport kereban rumah ari RM8 bilion eksport menua ti ditagit perintah.
Premier Sarawak Datuk Patinggi Tan Sri Abang Johari Tun Openg madah, Perintah Sarawak keran ngubah menua tu nempa 100 iku penengkebang ti ulih produk ngambi rembus makit entarabansa.
“Naka diatu, eksport menua kitai bisi dalam RM3.1 bilion ari produk kayu ramu, ari RM3.1 bilion tu, RM2.8 bilion datai ari eksport ‘playwood’ enggau primari produk bukai.
“Produk kereban rumah bisi RM44 juta, iya nya semina 1.4 peratus, tang ba taun 2030 Perintah Sarawak nagit ulih nyapai eksport kayu nyengkaum produk kereban rumah ngagai RM6 bilion iya nya 75 peratus ari penyampau eksport RM8 bilion ti ditagit perintah,” ku iya.
Abang Johari mansutka jaku nya lebuh bejadika Minggu Langkar Tengkebang Sarawak (SDW) di Palan Aum Borneo Kuching (BCCK) ditu, sehari tu.
