ARTIKEL

Taib ‘big brother’, mentor enggau bakih Jabu

Facebook
Twitter
LinkedIn
WhatsApp
Telegram

KUCHING: Ex-Sapit Kepala Menteri, Datuk Patinggi Tan Sri Alfred Jabu Numpang, ngumbai Ex-Tuai Pemegai Menua (TYT), Tun Pehin Sri Abdul Taib Mahmud, baka ‘big brother’ tauka menyadi besai sepemanjai iya nyadi sapit allahyarham.

“Allahyarham siku mentor ti tebangkar sereta siku bakih ti manah.

“Sepemanjai iya nyadi tuai, allahyarham mantaika pengeransing ati sereta dedikasyen ba pengawa iya megai menua,” ku iya lebuh dirandau pemberita sehari tu tadi.

Ku iya, taja pen mayuh penusah ditapi dalam politik tang seduai bela mansang nengah Parti Pesaka Bumiputera Bersatu (PBB) ti negapka politik di Sarawak.

“Tun Taib mai rayat enggau parti politik ti bisi di Sarawak sama bela gawa ketegal Sarawak.

“Allahyarham semampai ngelalau kami ngambi enda belaya nengah parti politik,” ku iya.

Berebak enggau nya, Jabu mega madah, Sarawak ngembuan penegap menua, pemanah kaul entara pulu bansa sereta penegap politik ketegal iring Taib ngelama tu.

Ku iya, pekara nya ngujung ke Sarawak ulih diaku nyadi nengeri chunto ti jamat mansang sereta stabil di Malaysia.

Baca lain  Raghad nafi bawa Tun Taib keluar hospital bertentangan nasihat dokor

“Kitai mega beterima kasih laban iya mega diaku Menteri Besai, Datuk Seri Anwar Ibrahim, ti tebuka ngambi ‘Segulai Sejalai’ nyadi ke chunto ungkup Malaysia.

“Tu mega ketegal sukung rayat ti bisi di Sarawak.

“Rebak biak kediatu meseti nitih chunto Allahyarham ngiring menua,” ku iya baru.

Kelimpah ari nya, komuniti pupu bansa di Sarawak meseti sama-sama gawa lalu andal ke Perintah Sarawak di baruh pegai Premier Sarawak, Datuk Patinggi Tan Sri Abang Johari Tun Openg.

Jabu madahkan diri sinu ati sereta besembiang ngambi allahyarham begulai enggau semua orang ke bisi pengarap. – Nur Farihan Razali

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

PDRM

Suspek kes amang seksual ditahan di Miri

SRI AMAN: Suspek lelaki dikehendaki polis yang disyaki melakukan amang seksual terhadap seorang kanak-kanak perempuan di kawasan tanah perkuburan lama, Kampung Kubal, Betong ditahan Jumaat

Pemancing udang jumpa mayat terapung

MIRI: Sembilan pemancing udang galah dikejutkan dengan penemuan mayat seorang lelaki dalam keadaan tidak sempurna di Sungai Kuala Baram di sini, hari ini. Ekoran itu,