ARTIKEL

Taman Bebakih kelai kaul Malaysia-China

Facebook
Twitter
LinkedIn
WhatsApp
Telegram

MENUA Malaysia kelebih agi Sarawak sereta China endang ngembuan kaul diplomatik ti rat enggau pangan diri.

Nya alai, dikena ngenang pemanah kaul entara kededua menua nya, dia perintah Malaysia enggau China besetuju numbuhka Taman Bebakih tauka Taman Sahabat.

Taman nya ditumbuh ba taun 2005 serimbai pengawa ngintu genap taun kaul diplomatik Malaysia-China ke-30.

Taman ti mungkur sitak 2.8 hektar pemesai nya bepalan ba Tabuan Height urung 30 minit ari tengah mengeri Kuching sereta ngembuan penyelai kediri empu.

Kebuah pia laban taman nya mandangka penyelai gempung budaya sereta main asal menua China enggau Malaysia.

Ungkup penerang, taman nya disikap ngena dua pintu penama. Pintu penama keterubah ari menua China lalu pintu penama kedua ari menua Malaysia.

Ba tengah taman nya bisi patung batu Laksamana Cheng Ho tauka Zheng He ti benung nepan kapal layar.

Nya ngelai iya ti ngulu ke ekspedisyen belayar keterubah ari tujuh ekpedisyen ti diatur ngagai Asia Tenggara urung taun 1405 nyentuk 1433.

Taman nya mega bela disikap ngena jematan lambung ti meraka danau, ai panchut, restauran, patung mayau enggau panda sereta ti bukai.

Penerang senentang sejarah kaul entara Malaysia-China sereta kelai semua nengeri ba menua tu pen bisi dipandang dia.

Ukai naka nya aja, taman nya bepalan ba endur ti strategik iya nya entara sitak genturung pendiau enggau palan komersial.

Kelimpah ari pekara nya, genap pengusung ti napatka taman nya deka temegah meda pemanah rampa menua dia.

Taman nya suah ditapatka mensia mayuh enda ngira serap umur, penempa, chura kulit enggau jaku dikena bejalaika aktiviti rekreasyen.

Bemacham aktiviti ulih diatur ba taman nya baka pengawa sesais, bejalai kaki, zumba, jogging enggau ti bukai.

Pia mega, taman nya chukup engkeman dikena magi awak enggau diri sebilik tauka orang dikesayau.

Tebal agi bala apai indai suah bebaika bala anak sida bejalai ngelantang ati ba taman nya dikena ngedut pemanah kaul enggau diri sebilik sereta nimpai pemanah rampa menua dia.

Mensia mayuh mega bepeluang meri ikan makai ba danau dia lalu nya siti aktiviti dikerindu bala nembiak mit.

Lebuh Pengerami Tanglung, Taman Bebakih chukup richah ditapatka komuniti China dikena nerebaika tanglung.

Sida ti rindu ke pengawa begambar tauka deka ngambi gambar nikah enggau ti bukai sigi diperansang napatka Taman Bebakih tu.

Ungkup penerang, taman tu berengkah dibuka ngagai mensia mayuh pukul 5 pagi nyentuk 12 tengah malam ninting hari.

KONSEP CHINA… Sebuah restauran ngembuan konsep China ba Taman Bebakih nyendia mayuh pemakai nyamai. – GAMBAR ROBERT HENG
KAUL RAT… Patung batu Laksamana Cheng Ho siti ari kelai kaul bebakih Malaysia-China. – GAMBAR NIZAM RAMLI
RUANG BILIK LANTANG… Bala apai indai bebaika bala anak sida bejalai sereta meri ikan makai ba Taman Bebakih.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU

Budak tinggi gula dalam darah

MASIH ramai yang kurang mengetahui kanak-kanak dan remaja juga boleh mengalami masalah kandungan gula tinggi dalam darah atau lebih dikenali sebagai diabetes. Lebih-lebih lagi apabila

Bahasa itu senjata, kata adalah peluru

LEGENDA perang dunia, Napoleon Bonarparte yang juga Maharaja Perancis dan Raja Itali sentiasa berpegang kepada kata-kata keramatnya; “Mata pena lebih tajam daripada 1,000 mata pedang.”

Pencalonan Anugerah Sastera Negara kini dibuka

KUALA LUMPUR: Pencalonan bagi Anugerah Sastera Negara Ke-16, khusus untuk memberi penghargaan dan pengiktirafan tertinggi bertaraf negara kepada tokoh sasterawan, kini dibuka mulai semalam hingga