Taman Tasik Bukit Siol digazet nyadi Palan Rizab Pengeraja Asal

KUCHING: Taman Tasik Bukit Siol, DBKU Kuching deka digazet nyadi Palan Rizab Pengeraja Asal.

Kepala Menteri Datuk Patinggi Abang Johari Tun Openg mdahka perintah udah besetuju ngenukuka palan tu nyadi palan rizab kampung pengeraja asal di mengeri.

“Palan rizab di Kuching, kitai udah bisi sebuah di Stutong lalu sebuah agi di Petrajaya (Taman Tasik Bukit Siol, DBKU).

“Palan tu chukup manah laban bisi tasik, mayuh bansa pun kayu nyengkaum buluh,” ku iya.

Abang Johari bejaku munyi nya rambau bejadika Hari Kampung Sedunya Renggat Nengeri Sarawak 2021 di Taman Tasik Bukit Siol DBKU ditu, kemari.

Ku iya, nyema taman nya digaga manah, taman tu nyangka ulih manah agi ari taman bukai.

“Palan tu mega manah endur belakun baka ngaga filem. Enti orang udah meda drama ba TVS tentu mayuh orang deka datai kitu laban palan tu ngembuan rampa menua ti chukup manah,” ku iya.

Suara Sarawak