ARTIKEL

Tan manah penyerakup pupu bansa

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Tan manah penyerakup, pemanah kaul enggau pengelantang ti endang udah dikembuan kitai, ku Datuk Snowdan Lawan.

Sapit Menteri Dagang Temuai, Industri Kreatif enggau Seni Pemerindang Sarawak nya madah, kitai betuah laban nguan menua ti lantang sereta likun kelimpah diuan bemacham pupu bansa.

“Taja pen pupu bansa ti nguan menua tu ngembuan main asal, jalai pengarap enggau gaya idup ti bebida tang kitai idup lantang, beserakup sereta bebasaka pangan diri.

“Nya alai, genap iku kitai patut ngetan lalu nyeliah pekara ti ulih ngeruga pengelantang, pengelikun enggau penyerakup ti endang dikembuan kitai,” ku iya.

Snowdan mansutka jaku nya rambau dirandau pemberita bekaul pesan Hari Raya Aidilfitri 2023 ngagai semua rayat ba menua tu.

Ku iya, beserimbai enggau Hari Raya Aidilfitri tu, ngabang meh ngagai bakih kitai Muslim laban tu peluang manah dikena ngedut pemanah kaul enggau pangan diri.

“Pia mega, tu meh peluang kitai bebaik enggau minta ampun ngagai Tuhan, apai indai, bala bakih enggau orang dikesayau enti kitai bisi pengilap ngagai sida.

“Badu agi nyimpan pemenchi enggau dendam tang bebaik sereta idup beserakup ke pemaik begulai,” ku iya.

Iya ngelalau mensia mayuh ti mulai kediri ke menua nyerumba musin pengerami Hari Raya tu ngambi bejimat sereta ngemerat pengelikun diri enggau orang bukai lebuh betengah Jalai Besai Pan Borneo.

Ku Adun Balai Ringin nya, tangkan diri empu ngambi bejimat lalu datai ba palan dituju enggau likun sereta enda ngasuh orang dikesayau tusah ati nganti penatai kita.

“Nya alai, ngena peluang tu, aku ngarika kami sebilik meri Selamat Ngintu Hari Raya Aidilfitri ngagai semua raban Muslim, bala bakih, bakih sama gawa enggau kaban belayan ti ngintu pengerami tu. Maaf zahir dan batin,” ku Snowdan.

BERITA LAIN

BERITA TERBARU