KANOWIT: Tiga buah rumah panjai ba Skim Pengentap Baru Nanga Tada ditu napi penusah tanah tusur, sehari tu.
Tiga buah rumah panjai tu iya nya Rumah Jelai, Rumah Berawang enggau Rumah Engkamat.
Palan Operasyen Bomba Sarawak ba sebengkah penerang madah, Bilik Operasyen Balai Bomba enggau Penyah Penusah (BBP) Kanowit udah nerima kangau bekaul penusah nya urung pukul 7.30 pagi tadi.
“Sida ti telefon ngagai kami madahka penusah tanah tusur nya nyadi pukul 8.40 malam kemari maya ujan bangat.
“Berindik ari nya, BBP Kanowit udah ngerah tiga raban betuaika Tuai Balai, PPgB Arrahman Chik ngesah penusah nya penyauh 71 kilometer (km) ari balai,” ku penerang nya.
