Tanah tusur ba Jalai Entabai

BINTANGOR: Penusah tanah tusur ti nyadi ngemegauka orang ti diau ba sebuah rumah di Jalai Entabai ditu, kemari.

Ketuai Balai enggau Penyah Penusah Bintanggor Nicholas Belulin madahka, tiga raban ti diuluka Pemesai Kanan ll Bomba Abdul Rahman Abu Serah begaut ngesah palan penusah pengudah nerima kangau telefon pukul 5.51 lemai.

Ku iya, penusah nya nyadi urung 5.40 lemai ditemu orang ti diau ba rumah lebuh ninga bunyi inggar ba belakang rumah iya.

“Iya udah nya begaut ke dapur enggau berasai tekenyit meda tanah ba belakang rumah sida tusur.

“Penusah tu dipelaba bepun ari ujan balat nuju pagar enggau dapur ba belakang rumah nya,” ku iya bejaku ngagai pemberita.

Iya mega madahka, berindik ari nya, Bomba ngaga patau ngagai genturung rumah nentuka palan besemak selamat sebedau masang kimbis palan nya.

Iya nerangka, Bomba mega ngelalau semua orang ti diau dia ngambika ngenduh ba rumah bukai dulu laban nangika tanah tusur nyadi baru ketegal ujan bangat ke berunggu.

“Lima iku sida sebilik ti diau ba rumah nya selamat enggau nadai bakal,” ku iya.

Tanah tusuh ti nyadi ba belakang sebuah rumah di Jalai Entabai, kemari.