ARTIKEL

Tanggung pengawa besai ungkup rayat

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Dichiri baru nyadi Menteri Kanan Kereja Raya nyadi siti tangggung pengawa ti besai ungkup rayat enggau menua, ku Datuk Seri Fadillah Yusof.

Kaban Parlimen Petra Jaya nya madahka, iya sedar enggau nesal lebuh rayat agi napi penanggul pengerekai penyakit Covid-19 enggau gaya ekonomi ti balat mar,rayat ngembuan pengarap ti besai ngagai kabinet baru tu.

“Munyi ku jaku Menteri Besai Datuk Seri Ismail Sabri Yaakob, kabinet tu sebuah tim pengatur ti deka bekereja enggau rayat lengkas sereta besatu.

“Fokus kitai diatu endang nentuka penegap politik, mutarka pandemik Covid-19 enggau ngemanahka ekonomi menua, ungkup pemaik ekonomi sereta pengidup rayat,” ku iya dalam siti penerang media, kemari.

Nya alai, iya ngarapka semua orang, raban politik enda ngira parti enggau pupu bansa ngambika terus bekerejasama mangku tanggungpengawa mantu ngemujurka pekara tu.

“Raban media mega beguna dalam pekara tu, lalu aku beterima kasih laban ngelama tu raban media mayuh udah mantu pelasar perintah ngelaban pandemik.
“Semua kitai mesti begempung enggau ngetuka pekara negatif dikena ngelepaska menua ari diruga pandemik,” ku iya.

Fadillah tu mega Tuai Whip Gempung Parti Sarawak (GPS) madahka, iya enggau pengari GPS ke bukai meri terima kasih ngagai Ismail Sabri laban udah nyirika lapan iku pengeri GPS dalam kabinet baru nya berengkah 30 Ogos tu ila.

“Pengawa nyirika aku neruska portfolio Menteri Kanan Kereja Raya enggau tiga pengari GPS nyadi menteri penuh, sereta empat ke bukai nyadi sapit menteri endang siti basa ngagai rayat Sarawak enggau GPS ti diuluka Kepela Menteri Sarawak Datuk Patinggi Abang Johari Tun Openg,” ku iya.

Dulu ari nya, iya kala megai pangku pengawa nyadi Sapit Menteri Sains, Teknologi enggau Inovasyen (19 March 2008 nyentuk 15 Mei 2013), Menteri Kereja Raya (16 Mei 2013 nyentuk 10 Mei 2018) enggau Menteri Kanan Infrastruktur enggau Menteri Kereja Raya (10 March 2020 nyentuk 16 Ogos 2021).

BERITA LAIN

BERITA TERBARU

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup