Tanggungpengawa LBU mayar konteriktor

KUCHING: Projek Jalai Besai Pan Borneo napi penanggul laun mayar bala konteriktor.

Menteri Kereja Raya Baru Bian madah, 10 konteriktor ngaga projek nya apin dibayar tiga bulan pengelama, kenyau ari Julai nyentuk September.

“Nya kebuah sida (konteriktor) enda ulih bejalaika projek enggau meruan laban apin nerima bayar nitihka pematut.

“Lebuhraya Borneo Utara (LBU) ti nyadi Bakih Kunsi Ngemujurka Projek (PDP) patut mayar sida ba timpuh ti udah ditetap.

“Bayar tu di baruh tanggungpengawa LBU lalu Opis Menteri Kereja Raya deka berengkah megai tanggungpengawa nyadi PDP kena 19 Febuari 2020 sereta nyamin konteriktor deka dibayar kandang 30 hari,” terang iya.

Baru madahka diri suah nerima sebana enggau ripot pasal gaya jalai sepanjai Jalai Besai Pan Borneo Sarawak lalu iya seruran ngingatka bala konteriktor ngelekat papan tanda, lampu jalai enggau blinkers sepanjai jalai ke digaga nya.

“Kebuah pia laban pekara tu ngaul pengelikun penguna jalai alun ti betengahka jalai nya kelebih agi maya malam hari enggau musin pengujan,” ku iya ba aum pemberita ditu kemari.

Iya madah, semua projek agi di baruh LBU lalu Opis Menteri Kereja Raya deka berengkah megai tanggungpengawa bulan Febuari taun bar