Tanggungpengawa MPKK bebida

KUCHING: Perintah Besai dipegai Pakatan Harapan (PH) tetap bejalaika pengawa numbuhka Kaunsil Pengatur Komuniti Genturung Pendiau (MPKK) ti deka nyadi sistem setipak enggau Komiti Pemansang enggau Pengelikun Genturung Pendiau (JKKK) ke bisi diatu.

Menteri Kereja Raya Baru Bian nyemetak madahka MPKK deka ditumbuh enggau bejalaika pengawa sida taja nadai nerima sukung ari Perintah Sarawak di baruh Gempung Parti Sarawak (GPS) nyengkaum gerempung ukai dikuasa perintah (NGO) bukai baka Serakup Patriot Sarawak (SPA).

Taja pia ku iya, baka ni gaya struktur mekanisma MPKK naka diatu apin diputus.

Sida ke dichiri tu endang ari Perintah Besai lalu pekara tu nadai malut ketuai raban bansa tauka tuai rumah baka ti suah disebut piak ke mantah perambu enggau penemu MPKK tu, tandu iya.

“Batang tuju MPKK tu mai penerang bekaul projek enggau program pemansang ari Perintah Besai ti deka meri pemaik ngagai rayat.

“Sistem tu nyauka sebaka enggau JKKK,” ku iya lebuh ditanya pemberita pengudah Aum Ketiga Kaunsil Gawa, Komiti Gawa Begulai Perintah Besai-Perintah Sarawak ke diatur ba Wisma Bapa Malaysia tadi.

Baru Bian

Suara Sarawak