Tanya terus ngagai secretariat – Vernon

KUCHING: Mensia mayuh dipinta nanya terus ngagai Sekretariat Pakatan Harapan (PH) sereta kaban parti PH ba renggat baruh enti ka nemu pasal Komiti Pengatur Komuniti Genturung Pendiau (MPKK).

Ketuai Pemadah PKR Vernon Kedit madahka sida berasai asa laban mayuh piak ti nadai tanggungpengawa ngerembaika penerang bula sebelah media rama.

“Kandang dua tiga hari ke udah, mayuh amat penerang dikerembai bekaul enggau MPKK kelebih agi ba chara bayar elaun enggau agih belanja MPKK.

“Elaun Chairman semina RM500 sebulan, ukai RM3,500 baka ke dipadah sida ba media rama lalu Sekretari MPKK deka nerima RM300 sebulan, ukai RM2,300.

“Kaban komiti MPKK nadai nerima sebarang elaun tang tiap kali sida datai baum deka nerima RM50 siku, nya pan ditatak enam kali setaun,” ku iya ba sebengkah penerang berita, kemari.

Vernon Kedit

Suara Sarawak