Taska dibuka baru 9 June

KUCHING: Komiti Penyangga Penusah Ngenyit Nengeri Sarawak (JPBNS) kemari ngemendarka taska ba nengeri tu bejalaika operasyen sida berengkah 9 June tu.

Sapit Kepala Menteri ti mega Chairman JPBNS Datuk Amar Douglas Uggah Embas madahka taska dikemendar beoprasyen nitihka Standard Atur Pengawa (SOP) terit ke udah ditetap.

Ku iya, SOP bekaul enggau pengawa muka baru taska deka dipansutka pagila.

“Kami udah dipadah semua nya deka nitihka SOP ari Perintah Besai.

“Taja pia, Menteri Menteri Pengintu Pengelantang Pendiau, Komuniti, Orang Indu enggau Pemansang Anak Mit (KWKPK) Datuk Seri Fatimah Abdullah udah beratika semua SOP nya,” ku iya.

Naka diatu, sida benung berandau enggau semua operator taska ba nengeri tu bekaul enggau SOP sebedau operasyen muka taska nya berengkah dipejalai kenaka 9 June tu.