Tawi parai tepelanting ari kerita

MUKAH: Siku lelaki Iban bebadi nyawa lebuh kerita dikena tudah ensayar ke tisi jalai ba Kilometer 22 Jalai Mukah – Balingian, ditu malam tadi.

Lelaki benama Tawi Sili Munang, 40 taun, siku peranak ba Rumah Munang Sungai Mateding dipadah parai tekala nya ba endur penusah nyadi.

Ketuai Polis Pelilih Mukah, Deputi Superintenden Jimmy Panyau madah, piak polis nerima kangau ari mensia mayuh pasal penusah nya urung pukul 7.20 malam.

“Penusah tu nyadi lebuh Tawi ba rantau jalai, deriba kerita Mazda ari rumah iya ngagai Pasar Mukah.

“Lebuh ba endur penusah tu nyadi, kerita ditepan iya ensayar lalu tepawah ke sepiak kiba parit jalai nya.

“Tawi tepelanting ari kerita ngujungka iya balat bakal ba pala,” ku Jimmy nerang ngagai Suara Sarawak.

Suara Sarawak