Tayar lori meletup lalu angus

KOTA SAMARAHAN: Sebuah lori tangki ke ngundan minyak sawit, 38 tan angus ba Jalai UiTM/ Kpg. Meranek ditu lemai kemari.

Nitih penerang dipansutka ketuai operasyen PBKII Iskandar Apet ari Balai Bomba enggau Penyah Penusah (BBP) Kota Samarahan, sida ia nerima kangau telefon urung pukul 6.06 lemai.

“Lebuh datai ba palan penusah, semina tayar luan lori nya aja angus pengudah ke meletup, api terus nyerarai nganguska luan enggau bisi ngerampit ngagai belakang lori mimit,” ku iya.

Penatai raban bomba ngena sebengkah kereban Sania BMF1033 ke ngundan enam iku staf, disaup tiga iku kaban Unit EMRS ke ngena sebuah van enggau sebuah Prime Mover ke ngundan ai dibai dua iku staf bomba.

Operasyen ngerara api nya tembu urung pukul 7.10 lemai.

Nadai sebarang penusah bakal tauka bebadi nyawa diripotka bekau ari penusah nya.

Suara Sarawak