Tebing Sg Krian deka dikemanah

SARATOK: Tebing Sungai Krian ba pasar Saratok ditu deka seruran dikemanah dalam perambu deka datai.

Adun Kalaka, Datuk Abdul Wahab Aziz madah, perambu nya udah dianjung ngagai Kepala Menteri Sarawak Datuk Patinggi Abang Johari Tun Openg lalu pemutus deka ditemu enda lama agi.

“Dalam dua tiga taun tu kitai udah ngaga mayuh macham projek pemansang baka tu nyengkaum balai komuniti kelimpah ngemanahka kandang tebing sungai tu.

“Sehari tu aku berasai temegah ati meda kita ulih diau lantang asil projek pemansang udah dipejalai ngelama tu,” ku iya ti mega Chairman Kaunsil Dagang Temuai Sarawak.

Abdul Wahab dirandau pemberita pengudah bejadika Pekit Lumba Perau nyerumba Pengerami Saratok 2019 ditu, pagi tadi.