Teladan pemujur JTS ngemeranka integriti

KUCHING: Opis perintah bukai patut bebendar agi neritka atur bekaul enggau integriti.

Kepala Menteri Datuk Patinggi Abang Johari Tun Openg madah, tu kelebih agi ngagai Opis Bekal Ai Menua Pesisir (JBALB) enggau Opis Kereja Raya (JKR).

“Aku berasai lantang ati meda penyulut dijapai Opis Tanah enggau Survey (JTS) laban ngembuan enggau ngemeranka integriti tinggi lebuh bejalaika pangku pengawa sida.

“Nitihka penerang ari Direktor Komiti Nagang Penyalah Makai Suap Malaysia (SPRM) Sarawak ke alai Sarawak nyadi menua keterubah ngembuan integriti enggau ombudsman penuh,” ku iya.

Abang Johari madah munyi nya lebuh bejaku ba Pengawa Bejadika Hari Inovasyen enggau Integriti JTS ba sebuah hotel tebilang ditu tadi.

NERIMA TEPA… Abang Johari nerima tepa ari Direktor JTS Sr Zaidi Mahdi (kiba) pengudah bejadika Hari Inovasyen enggau Intergriti JTS tadi. Gambar Nadim Bokhari.

Suara Sarawak