ARTIKEL

Temegah, jaku Iban datai ba tikas pemadu tinggi

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIRU… Pengajar Roselind begambar kenang enggau bala nembiak diajar iya ti dikeandal ulih nampung penulin jaku enggau pesaka bansa Iban.

SERIAN: Jaku Iban datai ba tikas ke pemadu tinggi enti sema udah ayan ba keynote Google lalu dikena ba Google Translate.

Pengajar Kelas Pemulihan Khas, Roselind anak Jawie ari Sekula Primari (SK) Semukoi madahka diri berasai temegah ati enti amat nyadi baka ke dipadah sebelah media rama.

Ku penemu iya, nya nunjukka sesingkang kitai bansa Iban udah mansang ke mua seikas enggau orang bukai, chukup temegah ati.

“Utai baka tu tau kena bala sida rebak baru belajarka Jaku Iban ke engkeman ari sepil sereta chara ke ngena.

“Diatu ke dipeda aku, agi mayuh bala kitai ngena sepil Jaku Iban chara lama, nyengkaum aku empu.

“Nya alai, enti Google Translate udah dikena jemah ila, tentu sepil Jaku Iban ke betul ulih dikemeran bansa kitai tauka bansa bukai ke deka belajar jaku tu,” ku iya.

Pengajar Roselind nibarka penemu nya lebuh dipinta meri timbal senentang penerang dikerembai ba media rama ti madahka Jaku Iban deka ayan ba keynote Google ila.

Ari sukut pelajar, iya arapka Sistem Sepil Jaku Iban Standard ulih dipelajar ari renggat tumu dikena narak nembiak angkun enggau siruka Jaku Iban, jaku asal sida empu.

“Diatu asai aku, sistem sepil Jaku Iban ukai sepil ke dikena maya kami sekula menya, mayuh udah berubah lalu dipeda engkeman agi.

“Nya alai, aku arapka bala ke benung gawa ba program penabur baka stesyen radio enggau televisyen tau dianjung ngulu Kus Jaku Iban ngambi sida ulih ngena sistem sepil enggau leka jaku ti betul tauka engkeman maya ngeluarka program.

“Aku mega arap sereta andal ke bala nembiak rebak baru bansa kitai bisi peluang ngemansangka Jaku Iban ngagai tikas ke manah agi.

“Ba aku empu, enti sema bisi peluang enggau jam dibagi, pan bisi ati enggau minat ka nitihka kuing pemansang jaku kitai,” ku Pengajar Roselind nyimpul kenang.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU