ARTIKEL

Tengku Hassanal deka datai ke Sarawak kena 15 nyentuk 19 Januari tu

Facebook
Twitter
LinkedIn
WhatsApp
Telegram

KUCHING: Pemangku Raja Pahang, Tengku Hassanal Ibrahim Alam Shah Al-Sultan Abdullah Ri’ayatuddin Al-Mustafa Billah Shah deka mantup pengelengau rayat Sarawak lebuh iya merambu nemuai baru ngagai Tanah Kenyalang tu.

Anak raja ti sigat sereta diperebut bala indu dara nya deka ngatur penemuai ngagai Sarawak pengelama lima hari berengkah ari 15 nyentuk 19 Januari tu.

Berita gaga nya endang dianti rayat Sarawak lalu nya dibantaika Tengku Hassanal empu nengah Intragram iya kena malam Hari Empat tu tadi.

LELENGAU… Sekeda story ti dikunsi Tengku Hassanal ba Instagram Story iya.

Ba Intragram Story nya, iya madahka diri deka nemuai ke Sarawak sereta meri kapsyen ‘Dear Sarawakian, I am on the way’.

Rambau bekunsika Intagram Story nya, iya dipeda bisi bekunsika gambar burung Kenyalang sereta palan Padang Bilun Antarabansa Kuching.

Nengah pekara ti dikunsika Tengku Hassanal nya, media sosial peranak Sarawak bela penuh enggau pengagit sida nganti penatai anak raja nya lalu tebal agi sida madahka ‘renga anak raja’ datai baru.

Bisi dipadah, program Tengku Hassanal ba nengeri tu ungkup ngemataka polisi Perintah Sarawak ti chakah ngelakuka kuasa gadung sereta mungkal pengawa ngalih ngagai sektor kuasa serantau.

Entara program nya baka ngulu licha Pengawa Nangkap, Ngena enggau Nyimpan Karbon (CCUS), nemuai ngagai taba nanam lukut, nemuai ngagai Petroleum Sarawak Berhad (PETROS) sereta Sarawak Energy (SEB) kelimpah betemu enggau Premier Sarawak, Datuk Patinggi Tan Sri Abang Johari Tun Openg.

DATAI BARU… Tengku Hassanal deka datai ke Kuching kena 15 nyentuk 19 Januari tu.

Pia mega, iya deka nemuai ngagai Muzium Budaya Borneo, Palan Jelu Siga Semenggoh, Kuta Margherita, Palan Lapang Ibu Pertiwi, Jematan Darul Hana, Tebing Sungai Kuching sereta nimpai pemanah Sungai Sarawak seraya nepan kapal River Cruise.

Kepenudi Tengku Hassanal datai ngagai Tanah Kenyalang tu rambau Kembara Kenali Borneo begulai enggau apai iya, Yang di-Pertuan Agong Al-Sultan Abdullah Ri’ayatuddin Al-Mustafa Billah Shah ba bulan September 2023.

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

BERITA TERBARU

Allahyarham Tun Taib, Arkitek Pemodenan

MIRI: Yang di-Pertua Negeri Tun Pehin Sri Abdul Taib Mahmud digambarkan sebagai seorang Arkitek Pemodenan kerana sepanjang perkhidmatannya sebagai Ketua Menteri, beliau berjaya mengangkat serta