ARTIKEL

Terima kasih betati peminta kami

Facebook
Twitter
LinkedIn
WhatsApp
Telegram

DEBAK: Aku orang pemadu gaga, ku Sapit Menteri Pemansang Indu, Nembiak Mit enggau Pengintu Pengelantang Komuniti, Datuk Mohammad Razi Sitam pengudah Balai Polis Debak mujur dipenyadi.

Ku iya, Balai Polis Debak tu ngembuan besai reti ba iya empu ti nyadi pengari rayat.

“Balai tu ngembuan besai reti ba aku laban keterubah bediri minta pilih lebuh Pengawa Bepilih Nengeri (PRN), aku minta terus dikemendar.

“Tang semaya nya ukai dipejalai tekala nya lalu berapa taun udah nya, aku nulis surat terus nuju Menteri Besai (lebuh nya Datuk Seri Najib Tun Razak).

“Datuk Amar Douglas Uggah Embas ti agi nyadi Kaban Parlimen Betong lebuh nya mega bejalaika pengawa baka nya.

“Nya kebuah ba taun 2015, aku bulih timbal, balai tu dikenulu ditumbuh ba taun 2016.

“Nya alai, aku chukup siru pengudah balai tu ulih dipenyadi. Aku orang pemadu gaga,” ku Razi Sitam tuchum.

ADUN Saribas mansutka jaku nya ba Pengawa Bejadi Balai Polis Debak ti dipenyadi Kepala Polis Sarawak, Datuk Mohd Azman Ahmad Sapri, ditu ensanus.

Iya mega ngarapka tuai Polis DiRaja Malaysia (PDRM) nambahka raban berindik ari penyampau peranak majak nambah.

“Naka taun 2023, penyampau peranak Pelilih Mit Debak ngelui 11,500 iku.

“Tang, raban polis semina tujuh iku betuai ke Tuai Polis Balai bepangkat Sarjan.

“Reti iya, nisbah siku Polis nyaga 1,650 peranak enggau sitak pemesai 112.8 kilometer persegi.

“Pengawa nyilih siku kaban ti baru bebadi mega meseti dipejalai lengkas,” ku iya.

Razi Sitam mega madahka diri deka terus mantu pemansang fasiliti balai.

“Sebedau tu, di baruh Program Transfomasyen Menua Pesisir (RTP), aku ngagihka belanja RM250,000 dikena ngaga perabung Gelanggang Futsal.

“Kelimpah ngemanah berek nyadika transit ba sitak Debak beungkus RM10,000.

“Aku mega sedia melanja ungkus nyambung bekal kuasa karan enggau bekal ai ungkup raban ke deka masuk kuarters ba balai tu,” ku iya.

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Jasa Tun Taib tidak terhad di peringkat negeri

Yang Dipertua Yadim, Datuk Hasanuddin Mohd Yunus terkenang jasa Allahyarham Tun Datu Mustapha Datu Harun dan Allahyarham Tun Abdul Taib Mahmud yang pernah menjadi Menteri