ARTIKEL

Terima kasih YB

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BARAM: Penusah penyuntuk belanja ke ditapi sepintu ruang bilik peranak asal ari Tinjar ditu ke benung berubat ba Sepital Miri nerima perati Kaban Parlimen Baram, Anyi Ngau.

Sepengudah nemu berita nya, Anyi terus datai ngabas sereta nyuaka bantu belanja dikena ngelempungka tating penusah ke ditapi ruang bilik nya.

ARAPKA JAMPAT SUMAN…Olivia (tengah) benung diperubat ba Sepital Miri pengudah beputung. Bela dipeda apai enggau indai iya.

Sebedau nya, Atan enggau bini iya ke mega asal ari Long Tabing, Tinjar napi penanggul suntuk belanja sekumbang ti ngibun anak seduai berubat ba Sepital Miri.

Anak sedua iya, Olivia baru udah beputung kaki ketegal telih lalu muruk.

Atan enggau bini iya semina ngereja pengawa bumai betaun lalu pangka ari pandemik Covid-19 seduai chukup tusah deka ngiga penatai pemisi.

Nya alai, seduai iya meri terima kasih besai ke penyiru enggau pemeri belanja ke udah disuaka Anyi empu.

Nitihka penerang Atan sebedau tu gawa deriba ba kem batang. Sekumbang ke gawa iya bisi napi penanggul kusut runding ngujungka iya badu gawa sereta dikenuku raban sepital nyadi Orang Nyelai Pendiau (OKU).

Kelimpah ari Olivia, Atan bisi dua iku anak iya nya siku indu enggau siku lelaki ke bela benung belajar ba sekula sekondari.

Lebuh nusuika kebuah kaki Olivia telih, Atan madahka ketegal terap niki bukit maya ngiga arus internet maya iya deka bejalaika pengawa belajar ari rumah (PdPR).

BERITA LAIN

BERITA TERBARU

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup