ARTIKEL

Terminal Bot Ekspres Sibu ‘sunyi’ baka tembawai

Facebook
Twitter
LinkedIn
WhatsApp
Telegram

BOT Ekspres kala chukup gah ngerenchah Batang Rajang tang diatu nyau majak lenyau ari pengingat.

Enti suba, bot ekspres meh ke nyadi perengka pengangkut kena undur enggau mudik Batang Rajang tang diatu jauh endar udah berubah sekumbang menua Kapit datai jalai.

Pengudah projek ngaga Jalai Sibu-Kapit tembu lalu ulih ditengah entukar nengah jalai darat, dia peminta ba servis bot ekpres nyau kusut ti ngujungka bala operator ngetuka servis sida ketegal enggai nanggung pengerugi.

Nitih ke penerang, servis bot ekspres Sibu-Kapit kepenudi kena 14 Januari 2023.

Ari gaya perati bala admin Sibu Sarawak Page ba Terminal Bot Ekspres Sibu empai lama, sida semina bisi tepedaka sekeda penumpang aja ngena servis dia.

Bala penumpang nya kebendar tebal agi napatka kandang menua ke bisi nebing sungai baka Daro tauka Dalat betepanka bot laju.

Nya endang jauh endar belinsur ari jeman pengerichah lebuh diripot pukul rata 500 penumpang betengahka terminal nya ninting hari lalu deka nambah belipat enti maya Gawai Dayak datai.

Baca lain  Sarawak ngerikod 33 kes angus dalam 24 jam

Lebuh nya, bisi lebih ari 10 pejalai besehari-sehari ungkup sektor Sibu-Kapit, sebedau belubah-lubah dikurang.

Nambah ke nya, bisi mega pejalai bot ekspres tambah dikemendar maya pengerami Gawai Dayak lebuh nya dikena nangkup peminta tubuh penumpang ke nambah laban pulai ke menua ngintu hari besai nya.

Ku Lau, iya nya Tukang Wang Serakup Pengempu Bot Ekspres Sibu, bot ekspres nya ‘ngenduh’ ba terminal nya diatu laban nadai nalan bukai endur sangkai.

Nya alai iya minta kasih ngagai Perintah Nengeri berundingka pekara ngurang tauka nejuka bayar ba penyangkai ke endur bot sida sangkai dia.

Ungkup penerang semua, bayar terminal ba tetiap bot ekspres nyau deka manggai RM400 sebulan suba, tang penyampau bayar nya bebida laban bepanggai ba pemesai bot ekspres.

Ari nya, raban ba Ruai Suara Sarawak meri terima kasih ke cherita enggau penerang dikunsi raban Sibu Sarawak Page nengah laman Facebook rasmi sida ungkup penerang semua kitai.

BERITA LAIN

Maul Lang puh nyapai juluk nyadi pemerindang

SYLVESTER RIANGsuarasarawak.news@gmail.com GENAP iku kitai bela ngembuan minat enggau juluk kediri empu ba sesebengkah pengawa tang ukai reti semua juluk nya ulih dikeamat baka ti

Sarawak nyadi pengeluar besai lada ba Malaysia

MINDY VELARIE CASILYSuarasarawak.news@gmail.com SERIAN: Sarawak dirikod ngeluarka 31,994 tan metrik lada ba taun 2023. Sapit Menteri Industri Pemakai, Komoditi, enggau Pemansang Wilayah (M-FICORD), Datuk Martin

Simunjan deka disikap ngena palan komersial

SIMUNJAN: Projek pemansang komersial ba sitak Simunjan bisi pengulih nyungkak ekonomi peranak lokal kelebih agi bala pedagang mit. Projek nya mungkur pengawa ngaga medan selera,

RM10,000 nganti Kumang Gawai Betong 2024

BETONG: Pekit Kumang Bagi Menua Betong 2024 nesau bala indu dara bansa Dayak selampur menua Malaysia ke beumur 18 taun enggau tuai agi ngerebut perais

BERITA TERBARU

Maul Lang puh nyapai juluk nyadi pemerindang

SYLVESTER RIANGsuarasarawak.news@gmail.com GENAP iku kitai bela ngembuan minat enggau juluk kediri empu ba sesebengkah pengawa tang ukai reti semua juluk nya ulih dikeamat baka ti