ARTIKEL

Terus titihka SOP, bisi 96 kluster agi ngerekai di Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Nadai kes pemati baru Covid-19 dirikodka di Sarawak kemari tang kes positif baru Covid-19 bisi nambah iya nya 423 kes.

Komiti Penyangga Penusah Nengeri (JPBN) nengah penerang media iya madahka, kes baru nya ngujungka penyampau kes positif Covid-19 di menua tu nambah ngagai 70,651 kes.

Kes positif baru Covid-19 pemadu mayuh dirikodka ba Pelilih Menua Kuching iya nya 238 kes, ditangkanka Pelilih Menua Meradong enggau Sibu iya nya 26 enggau 23 kes.

Kelimpah ari nya, penerang tu mega madahka bisi dua kluster baru Covid-19 dirikodka kemari iya nya Kluster Bukit Tinggi Meradong enggau Kluster Lempaong Betong.

Taja pia, penerang tu madahka bisi empat kluster ditukuka punas iya nya Kluster Nanga Meruan Selangau, Kluster Jalan Ilmu Miri, Kluster Jalan Kidurong Empat Bintulu enggau Kluster Kampung Sungai Agas Kuching.

Kluster tu ditukuka punas laban nadai ngerikodka kes berampit baru dalam timpuh 28 hari ke udah lalu.
Naka diatu bisi 96 kluster Covid-19 agi ngerekai di Sarawak.

Berebak enggau nya, Pelilih Menua Betong mali ari status oren ngagai status mirah kemari bekau ari 51 kes positif dirikodka ba pelilih menua nya dalam kandang 14 hari ke udah lalu.

Nya ngujungka, pelilih menua ba status mirah nambah ngagai 22 buah, pelilih menua ba status oren kurang ngagai tiga buah, pelilih menua ba status kuning mengkang 13 buah enggau pelilih menua ba status gadung mengkang dua buah.

Mensia mayuh dipinta bejejaga sereta besaup nagang pengerekai penyakit Covid-19 baka seruran ngena sengkabung mua, nyaga takah enggau suah masu jari.

BERITA LAIN

Sibu tuai rumah Sarawak Agrofest 2025

BINTULU: Sibu udah dipilih nyadi tuai rumah Sarawak Agrofest ba taun baru. Menteri Industri Pemakai, Komoditi enggau Pemansang Wilayah Sarawak, Datuk Sri Dr. Stephen Rundi

88 chalun STPM Sarawak bullh PNGK 4.0

INDUN SILONGsuarasarawak.sv@gmail.com KUCHING: Nengeri Sarawak ngerikod Purata Nilai Gred (PNGK) pemutus peresa Sijil Tinggi Persekolahan Malaysia (STPM) 2023 penyampau 2.69 enti dibanding PNGK STPM 2022

BERITA TERBARU

SK Pulo dijangka siap 2025

KUCHING: Projek bina baharu Sekolah Kebangsaan (SK) Pulo dijangka siap sepenuhnya Februari tahun depan. Timbalan Menteri Utiliti dan Telekomunikasi (Utiliti) Datuk Dr. Abdul Rahman Junaidi

Meriahkan Kembara RIUH yang pertama di Sarawak

KUCHING: Ayuh beramai-ramai memeriahkan Kembara RIUH pertama di Sarawak, program  kolaborasi bersama Mobile Legends: Bang Bang (MLBB) bagi RIUH OOHA! bertempat di Tempat Letak Kereta