Tetap milih Seksyen 18

DEBAK: Pengawa nyukat tanah Adat Bansa Asal (NCR) deka diterang silik maya aum Dun Sarawak minggu baru.

Adun Ba’kelalan Baru Bian madahka penetap penemu diri enda setujuka pengawa nyukat tanah NCR di baruh Seksyen 6 Kanun Tanah Sarawak.

“Enti nadai ubah baru ba Kanun Tanah Sarawak, aku enda setujuka pengawa nyukat nya, tang semina deka setuju enti disukat ngena Seksyen 18.

“Nya alai maya aum Dun Sarawak pun bulan November tu aku deka nerang silik agi chara pemadu manah lalu enti bisi diberi agih belanja enggau awak, pilih pemadu manah endang Seksyen 18,” terang iya.

Menteri Kerja Raya ke mega Kaban Parlimen Selangau mansutka jaku nya lebuh ngelancharka Pejalai Pemansang Jaya Desa ba SJKC Chung Hua, semak ditu tadi.