KUCHING: Wang Turu Pengereja Pengawa (KWSP) mesti netapka atur lalu anang kelalu beleman ngemendarka kaban sida ngambi duit simpan Akaun 1.

Pemikir ekonomi, Datuk Dr Madeline Berma madahka KWSP nya siti skim ti dipejalaika perintah ngambi mantu pengereja nyimpan duit ke penabat jemah ila.

Ku iya, kelimpah ari netapka atur, pengawa ngambi duit simpan Akaun 1 nya enda ngachau duit simpan maya pinchin jemah ila.

“Ekonomi menua diatu agi kusut enggau napi pemar ketegal pengerekai igi penyakit Covid-19.

“KWSP nyadi duit simpan timpuh panjai lebuh beranakka puku ba serata dunya.

“Nya kebuah, KWSP mesti bejimat lebuh ngaga sebarang pemutus,” ku iya lebuh dirandau Suara Sarawak, ditu tadi.

Berita penuh Ruai 3 pagila