KUCHING: Raban anak mit ti berumur sebulan nyentuk enam taun ari Rumah Ason Tembawai Kapok, Awik entara raban ti diselinting The Salvation Army, Kuching Sarawak nerima bantu.
Rumah panjai penyampau 20 buah ruang bilik nya dituntung penusah angus kena 25 November taun siti tu tadi.
Dalam penerang facebook Rumah Ason Tembawai Kapok, Awik Official bantu nya diberi ba Ruai Dampa Blok A.
“Entara bantu bukai iya nya nyerahka barang enggau perengka betukang enggau meri bup kudus ngagai lima dominasyen gerija sereta raban nembiak.
“Raban ari The Salvation Army, Sarawak mega bisi meri bantu meresa pengerai enggau bantu kaunseling ngagai peranak rumah panjai,” ku penerang nya.
Tandu penerang tu baru, bisi 19 iku volunteer Servis Rama Ngenyit ari komiti Gerija Salvation Army bisi datai.
Kena 25 November taun siti tu tadi Rumah Ason angus lengis ngujungka 150 iku sida ti tasah tinggal gari ba tubuh.
Kediatu, peranak ba rumah panjai nya udah ngentak rumah panjai baru ti dipenyadika Kaban Parlimen Saratok Datuk Ali Biju kena 7 Januari tu tadi nengah pengawa miring.
