Thien Poh gaga bulih rumah baru asil bantu Adun Batu Kitang

KUCHING: Sebuah rumah di Batu 10 ke beungkus lebih RM36,000 mujur diseruri asil ari kerejasama Adun Batu Kitang Lo Khere Chiang sereta Komiti Pemansang enggau Pengelikun Genturung Pendiau (JKKK) Batu 10.

Khere Chiang madahka iya berasai gaga laban Projek Nyeruri Rumah Rayat Seranta nya bejalai enggau manah.

“Aku meri agih belanja RM15,000 nengah projek tu dikena meli perengkaguna lalu laluh ke bukai ditampung JKKK Batu 10 empu.

“Rumah tu asil ari kerejasama ti komited laban JKKK ngambi inisiatif ngaga rumah tu maya ujung minggu kenyau dua bulan ke udah lalu,” ku iya.

Khere Chiang bejaku munyi nya ngagai pemberita pengudah ngelawa Rumah Ng Thien Poh ditu, kemari.

Iya madahka pemanah JKKK Batu 10 mantu ruang bilik Ng Thien Poh siti pengawa ti pemadu besai reti seeta patut dipuji.

“Tudah sida Thien Poh ngelama tu diau ba rumah ti udah repuk pengelama 35 taun.

“Lebuh maya ujan bangat pun taun tu tadi, rumah iya kena ampuh bah kelimpah perabung rumah ti udah tuduh,” ku iya.

Suara Sarawak