KUCHING: Tiga anak mit baru ada ba Sepital Besai Sarawak (HUS) kemari diangkat nyadi anak iru Gerempung Anak Bulan Mirah (PBSM) Pampang Kuching beserimbai Hari Palang Mirah enggau Anak Bulan Mirah Dunya taun tu.
Sekeda nembiak ti benasip tu iya nya siku anak mit indu bansa Iban pemerat 2.3 kilogram (kg) ti diada pukul 1.49 pagi.
Nembiak kedua mega anak mit indu bansa Bidayuh ti diadaka pukul 2.37 pagi pemerat 2.6 kg.
Lalu nembiak ketiga, siku anak lelaki bansa Melayu ti ada pukul 3.10 pagi pemerat 2.6 kg.
Semua indai anak mit tu nerima bantu pemeri ari PBSM ti disuaka bini Penyanding Penemu PBSM Pampang Kuching Datuk Seri Abang Abdul Karim Tun Openg iya nya Datin Seri Airi Abdul Manan.
