KUCHING: Tiga atlit Para ari Sarawak mupuk bekejang ari Kuala Lumpur ke London pukul 9.00 pagi tu tadi.

Sida tiga tu iya nya Julius Jeranding (Kategori S12), Jamery Siga (S5) enggau Mohammad Saiful (S5) ti deka ngarika Malaysia ba Pekit Nyemerai Para Dunya 2019.

Lebuh dirandau Suara Sarawak, Julius minta sangkung semua rayat Malaysia dalam sampi awakka semua sida ti ngarika Malaysia ba lumba tu tau teulihka pemujur iya nya mai pulai sebarang midul.

“Aku ngarika kami sebuat minta saup semua rayat Malaysia besampika pejalai enggau juluk kami awakka teulihka pemujur ba pekit tu. Kami besemaya deka bebendar besemekih laban orang ke dilaban din ila endang orang ke tegar memegang,” ku iya.

Penatai asal sida tu, Julius ari Kapit, Jamery (Limbang) enggau Saiful (Kota Samarahan).