ARTIKEL

Tiga ex-jaguh atlit Sarawak nerima pingat

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Tiga ex-atlit veteran Sarawak entara 46 penerima Pingat Ngenang Penyulut Jubli Intan (Emas) rambau Pengerami Ngintu 60 Taun Sarawak Merdeka ensanus.

Ketetiga penerima pingat nya nyengkaum ex-jaguh atlit pechut menua, Watson Nyambek, ex-jaguh atlit tinju menua, Sarjan Sapok Biki enggau ex-jaguh atlit nikau tukul besi menua, DSP Wong Tee Kue.

Pingat nya diberi dikena ngenang jasa enggau servis nyulut ketetiga ex-atlit nya ba pemansang nengeri Sarawak kelebih agi ba pekara lumba.

Premier Sarawak, Datuk Patinggi Tan Sri Abang Johari Tun Openg diberi basa nyuaka pingat nya ngagai bala penerima ba Hotel Waterfront ditu, ensanus.

Ungkup rikod, pengawa nyuaka pingat nya dipun enggau Pingat Pemungkal Ngenang Tebilang Jubli Intan ngagai lima penerima.

Lima penerima nya nyengkaum ex-Sapit Kepala Menteri Sarawak, Datuk Patinggi Tan Sri Dr George Chan Hong Nam enggau Datuk Patinggi Tan Sri Dr Alfred Jabu Numpang, ex-Tuai Pemegai Menua (TYT) Sarawak, Datuk Amar Tan Sri Bujang Mohd Nor, ex-Menteri Kuasa, Komunikasyen enggau Multimedia, Datuk Amar Tan Sri Leo Moggie Irok sereta Chairman Yayasan Tun Jugah, Datuk Amar Tan Sri Leonard Linggi Jugah.

Entara 46 penerima Pingat Ngenang Penyulut Jubli Intan (Emas) ti bukai nyengkaum bini Premier Sarawak, Puan Sri Datuk Amar Juma’ani Tun Tuanku Bujang, bini ex-TYT Sarawak, Niang Datuk Patinggi Ahmad Zaidi Adruce Mohd Nor iya nya Toh Puan Datuk Patinggi Rosmiati Kendati sereta bini ex-Sapit Kepala Menteri Sarawak, Datuk Patinggi Tan Sri Dr Alfred Jabu Numpang iya nya Tan Sri Datuk Seri Empiang Jabu.

Nambahka nya, bela nerima pingat sebaka Sapit Premier Sarawak, Datuk Amar Douglas Uggah Embas, Datuk Amar Awang Tengah Ali Hassan enggau Datuk Seri Dr Sim Kui Hian, Speaker Kunsil Nengeri (DUN) Sarawak, Datuk Amar Tan Sri Mohamad Asfia Awang Nassar sereta Menteri Kereja Raya, Datuk Seri Alexander Nanta Linggi.

Ungkup penerang, pingat nya ungkup sida ti udah meri jasa enggau servis nyulut ngagai pemansang Sarawak.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU