KUCHING: Sarawak ngerikodka tiga kes pemati ketegal Covid-19 ba minggu ke-27.
Komiti Penyangga Penusah Nengeri (JPBN) dalam siti penerang media madahka kes pemati tu dirikodka ba Bagi Menua Sibu (2) enggau Miri (1).
Taja pia, kes ninting minggu Covid-19 di menua tu nurun semilan kes ari 335 kes ba minggu ke-26 ngagai 326 kes ba minggu ke-27.
Ku penerang nya, penyampau kes kamulatif diatu nambah ngagai 308,332 kes.
Kuching mengkang ngerikodka kes pemadu tinggi bagi kededua minggu enti dibanding enggau pelilih menua bukai.
Ba minggu ke-27, bisi 137 kes dirikodka ba Kuching, ditangkanka 60 kes di Miri, Sibu (43), Bintulu (21), Samarahan (14), Sarikei (8), Limbang enggau Kapit (5), Bau enggau Lubok Antu (4), Serian, Simunjan enggau Meradong (3), Dalat, Kanowit, Sri Aman, Lundu enggau Asajaya (2), Tatau, Selangau, Marudi, Beluru, Pakan enggau Tebedu (1).
