Tiga ‘lubuk’ dadah deka dipunas

KUCHING: Opis Menteri Pengintu Pengelantang Komuniti, Ruang Bilik enggau Pemansang Anak Mit (KWKPK) nengah Kaunsil Pemansang Pekara Rama (MPS) keran ngemunaska isu dadah ba sitak Taman Won ditu.

“Kami di baruh MPS deka beratika isu tu ba mayuh pekara lalu ukai semina projek dipejalai sekali aja.

“Kebuah pia laban komuniti kitai deka diau ba endur ti lantang enggau likun ngambika maya malam hari, sida enda ibuh irauka penanggul rumah kena serungkai enggau ke bukai,” ku iya.

Fatimah mansutka jaku nya ba Program Operasyen Intervensyen Komuniti Rama Begulai enggau Menteri KWKPK Bil .1/2020 di Rumah Pauziah di Taman Won Matang, ditu kemari.

Terang Fatimah, komuniti nemu penanggul baka nya bisi kaul enggau isu salah guna dadah.

“Kami mega deka ngaul kerejasama enggau Ketuai Raban Bansa, piak PBB enggau komuniti bekaul isu tu.

“Kami mega deka berandauka pekara tu enggau sida sentang bakani kitai ulih mutarka penanggul dadah tu ungkup pengelantang komuniti,” tandu iya.

Dulu ari nya, Ketuai Direktor Ejensi Antidadah Nasional (AADK) Datuk Seri Zulkifli Abdullah madah, bisi tiga zon mirah (KBT) suah endur ngereja aktiviti salah guna dadah udah ditemu ditu.

ku Zulkifli, KBT tauka zon mirah tu bisi tiga ‘lubuk’ iya nya Kampung Tabuan Melayu, Matang enggau Kampung Haji Baki.

Suara Sarawak