ARTIKEL

NYINUK… Penyereta WCIT enggau IDECS 2023 nyinuk mendingka licha rambau aum nya diatur ditu, kemari. – GAMBAR RAMIDI SUBARI

Tiga mengeri deka disikap meter pintar

Facebook
Twitter
LinkedIn
WhatsApp
Telegram

KUCHING: Projek masang meter pintar deka ditampung ba Sibu, Bintulu enggau Miri manggai taun 2024, ku Datuk Julaihi Narawi.

Menteri Utiliti enggau Telekomunikasyen nya madah, naka diatu, bisi 55,000 meter pintar udah dipasang ba sitak Kuching.

“Pengawa ngalih ngagai sistem meter pintar deka dipejalai berenggat nyentuk 2029 sereta beratika sekeda pekara baka penyampau meter pintar dunya ti endang bisi enggau tikas pengelaju pengawa nganjung.

“Nengah pengawa ngena teknologi enggau strategi tu, Sarawak ukai semina ulih nangkup peminta bekal kuasa karan ti majak nambah tang ngalih nuju grid kuasa karan ti meruan enggau pintar sereta meri pemaik ngagai komuniti,” ku iya.

Julaihi mansutka jaku nya rambau Aum Besai Inovasyen enggau Teknologi Dunya (WCIT) sereta Aum Ekonomi Digital Antarabansa Sarawak (IDECS) 2023 ba Palan Aum Borneo Kuching (BCCK) ditu, kemari.

Iya madah, program ngalih ngagai meter pintar nya deka dipejalai berenggat ba selampur Sarawak sereta ngemeratka sitak ti diuan mayuh orang lalu enda meri chaj tambah ngagai penguna.

Inisiatif nya dikena meri peneleba ti manah agi enggau nyendia servis penguna bekaul bil ti jampat agi ari perintah nengah Sarawak Energy Berhad dikena nganti meter lama ngagai meter pintar ti disikap ngena penteba meter pemadu maju.

LAIN-LAIN BERITA

BERITA TERBARU

SAR hari kelima, bayi 18 bulan belum ditemui

KANOWIT: Operasi mencari dan menyelamat (SAR) seorang bayi lelaki berusia 18 bulan yang dikhuatiri terjatuh dalam sungai Kanowit di Nanga Germai di sini, Ahad lalu