KUCHING: Komiti Penyangga Penusah Nengeri (JPBN) udah mantaika tiga strategi nagang pengerekai Covid-19 ba Sarawak.
Chairman iya, Datuk Amar Douglas Uggah Embas madahka tiga strategi tu iya nya nyidi, peresa enggau kuarantin.
“Tu strategi dipejalai kami ba rumah panjai ti ditemu positif dalam gelumbang keempat Covid-19.
“Kes Covid-19 ba Sarawak bisi nurun tang aku enggai ngelansa pekara nya laban tau ngasuh mensia mayuh enda bejejaga,” terang iya.
Uggah nyemetak madahka sekeda rumah panjai ti diempang ngambi igi penyakit nya enda ngerekai ngagai kandang menua bukai.
“Kebuah pia laban Sarawak bisi 11 zon gadung lalu ke bukai nya zon kuning, oren enggau mirah.
“Nya alai, kerejasama mensia mayuh beguna amat taja kita udah netapka haribulan kawin laban tu diatu kita enda tau begempuru,” terang Uggah.
