ARTIKEL

Tim Ramak Pang champion Pekit Futsal Nembiak Trofi YB Dr Johnical Rayong Ngipa

Facebook
Twitter
LinkedIn
WhatsApp
Telegram

ENGKILILI: Tim Ramak Pang mujur dipadu nyadi champion ba Pekit Futsal Nembiak Trofi YB Dr Johnical Rayong Ngipa ti diatur Gerempung Nembiak Skim Skrang (BSS) kena 16 nyentuk 17 September tu tadi.

Berebak enggau nya, Tim Ramak Pang mujur mai pulai perais mata duit RM1,200, trofi enggau midul.

Perais mata duit RM900 enggau midul dipenggi Tim BSS FT ti ngempu penuduk kedua ba pekit nya.

Penuduk ketiga bela dipenggi Tim Terrify FT enggau Tim LAFT ti bela mai pulai perais mata duit RM300 sereta midul.

Pengawa nyuaka perais ngagai bala pemenang nya dipenyadi pengari sereta Sekretari ADUN Engkilili, Daevester.

Nambahka nya, Anugerah Pemain Pemadu Manah dipenggi Mahazir ari Tim Ramak Pang lalu Vicky Richard ari Tim LAFT menggi Anugerah Penyipak Gol Pemadu Mayuh.

Anugerah Penyaga Gol Pemadu Manah dipenggi Mathew Bakat ari Tim BSS FT lalu Tim Terrify FT ngempu Anugerah Fair Play Team.

Ungkup penerang, pekit ti diatur ba Gelanggang Futsal Skim Skrang nya dipasuk 19 tim ti datai ari pelilih Kuching, Sri Aman, Engkilili, Lubok Antu, Betong enggau Spaoh.

ADUN Engkilili, Dr Johnical Rayong Ngipa diberi basa nyain enggau nyipak bol kelai bejadi pekit nya ba hari keterubah pekit nya diatur.

Mandal Chairman Nembiak Skim Skrang ti mega Tuai Pengatur Pekit Futsal Nembiak Trofi YB Dr Johnical Rayong Ngipa, Robinson Ningkan bisi nyuaka tepa baju ‘Futsal Nembiak’ ngagai Dr Rayong.

Buah runding ngatur pekit nya datai ari Chairman BSS, Jimbun Rangkong ba taun 2017 lalu nyadi aktiviti ninting taun gerempung nya sereta kala dilanjar berapa taun ketegal pandemik COVID-19.

NYULUT… Robinson (kiba), Daevester (tiga kiba), Felix (dua kanan) enggau Gilberal (kanan) begambar enggau pemenggi Anugerah Pemain Pemadu Manah, Mahazir (tengah), Anugerah Penyipak Gol Pemadu Mayuh, Vicky Richard (dua kiba) sereta Anugerah Penyaga Gol Pemadu Manah, Mathew Bakat (tiga kanan).

LAIN-LAIN BERITA

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

Sarawak begunaka otonomi pengerai

SADONG JAYA: Sarawak agi tubah begunaka mesin mamogram ngambi tetangkupka pemayuh tubuh pesakit riman tusu di nengeri tu. Sapit Premier Sarawak, Datuk Amar Profesor Dr

Rebak baru diperansang bekebun lada

BETONG: Nembiak rebak baru diperansang ngaul diri dalam pengawa bekebun kelebih agi nanam lada. Sapit Premier Sarawak Datuk Amar Douglas Uggah Embas madahka menua tu

Asil lada belipat ngena teknologi baru

BETONG: Industri lada di nengeri tu disikap menyana ngambi ulih nerima ubah pemansang enggau teknologi baru, ku Sapit Premier Sarawak Datuk Amar Douglas Uggah Embas.

BERITA TERBARU

Cubaan tiga lelaki curi kereta gagal

KOTA SAMARAHAN: Cubaan tiga lelaki melarikan sebuah kereta di Taman Uni Garden gagal apabila diberkas polis selepas terbabas di Jalan Stutong, pada malam Selasa. Pemangku

Penularan kes denggi di Miri membimbangkan

MIRI: Penularan kes demam denggi di sekitar Miri kini semakin menimbulkan kebimbangan, kata Menteri Pengangkutan Datuk Seri Lee Kim Shin. Menurutnya, setakat 24 Februari lalu