Tim Stem, SMK Batu Lintang champion renggat nasional

KUCHING: Tim Stem ari SMK Batu Lintang ngemegah nama sekula enggau nengeri pengudah dipadu nyadi champion penuh dalam Pekit Saintist Biak (kategori sekula primari) rambau Karnival Sains, Teknologi, Injinir enggau Matematik (Stem) Renggat Nasional ke diatur ba Langkawi berengkah 17 ngagai 20 November tu tadi.

Tim tu disereta Joel Pang Kai Chen enggau Dannisa Naneng David ngalahka Kelantan (lumur dua) enggau Perak (lumur tiga) dalam pekit nya ngaul eksperimen sains praktikal enggau tanya teori.

Pengeransing sida mega sebagi ari pemujur bulih mark penuh lalu Tim STEM Sarawak menggi gelar champion penuh karnival nya.

Tim ari Sarawak menang 5 Anuegrah, tiga Champion engggau dua bulih lumur dua.

Nambahka nya, siti agi tim nyadi champion iya nya SK Sebauh, Sebauh ke menang Pekit Roket Ai.

Entara ke nyereta dalam tim tu iya nya Erieson Entalai Franky enggau Nistroy Alexzues Sumbang Ricky.

Tim ari SK Kerangan, Lawas mega menang Anugerah Emas dalam Pekit Rekacipta enggau Inovasyen STEM (kategori sekula primari).

Tim nya diarika Adriana Najwa Ali, Amanda Rosazila Abdullah enggau Rabiatul Adawiyah Sungsang.

Ba kategori sekula primari, Tim ari SMK Lake, Bau disereta Valerie Voon Wen Xin, Bong Yu Cheng enggau Innovana Sipil John bulih midul engkeraju dalam Pekit Rekacipta enggau Inovasyen.

Dalam Pekit Saintis Biak ungkup sekula primari, tim ari SK Raykat Bolhassan, Kuching disereta Nur Athilah Masdi enggau Siti Husna Batrisya Mohamad Zaki menang perais ketiga.

Suara Sarawak