Restoran Puzzle saji pelbagai menu istimewa pakej bufet Ramadan

Timang Sada Kelingkang raban ADP deka ngerichahka Gawai Dayak 2022

Facebook
Twitter
WhatsApp
Telegram
Email
Entara raban penanyi enggau krew produksi ti udah ngemujurka video muzik lagu Gawai Timang Sada Kelingkang ungkup serikat ADP.
Entara raban penanyi enggau krew produksi ti udah ngemujurka video muzik lagu Gawai Timang Sada Kelingkang ungkup serikat ADP.

Sepuluh buah lagu Gawai ari Serikat Aka Dambai Production (ADP) deka ngerichahka agi pengerami Gawai Dayak taun tu pengudah dua taun pengerami nya sunyi ketegal nangika pengerekai Covid-19.

Nitihka penerang ari pengari ADP, Jesley Jabu Bajang muzik video lagu Gawai nya diberi nama Timang Sada Kelingkang deka dikeluarka kena bulan Mei tu ila nengah Channel Youtube Aka Dambai Production.

Entara 10 buah lagu dalam muzik video lagu Gawai tu ila iya nya Qumang Carol ti deka nyadaka lagu diberi nama Sama Berami Gawai, Ruby J (Pengingat Begulai Gawai), May (Nganchau Tikai), Steve Sheegan (Ajat Indu Iban), Pandi Sam (Ngirup Tuak Beram Bisa).

Udah nya, Roselind B nyadaka lagu Bejeling Maya Gawai, Thomas Pengiran (Lama Enda Pulai Gawai), Edmund Indin bepadu nyawa enggau Dom Ulih (Anang Reregap Maya Gawai), Ademond Lim enggau Alex Mering (Bebuti Maya Gawai) sereta Gempung Artis ADP (Timang Sada Kelingkang).

Nangkan ke nya, ku Jesley ke mega Direktor Produksi enggau Tukang Kamera projek video muzik lagu Gawai nya madahka sida udah mujur nembuka video lagu Gawai nya ba Serimu Longhouse River Lodge, Padawan apin lama ke udah.

Produksi tu betuaika Matthius Mambang ke nyadi Penyanding Penemu sereta dibantu Projek Menijar sereta Tukang Kamera II Qumang Caroline, Video Editor Douglas Mambang, Krew Kanan ADP enggau Tukang Jaga Lampu Igat Saga, Prop Master Alan @Apai Anut, Wardrobe Lewelyn sereta Raban Krew Patricia, Tutty enggau Lieya.

Bekau ari pemujur nembuka video muzik lagu Gawai tu, dia Jesley meri terima kasih ngagai Tauke Serimu Longhouse River Logde, Bily Bong laban udah ngemendarka raban ADP ngena palan nya.

“Palan tu chukup manah agi meruan ngetanka pendiau pesaka rumah asal Dayak sereta ngembuan ai sungai ke beresi,” ku Jesley madah ngagai Ruai, Suara Sarawak.

Berebak enggau nya, sekeda ari raban penanyi ke bisi ngemujurka muzik video Timang Sada Kelingkang tu bela madah diri temegah ati laban udah diberi peluang nyadaka lagu Gawai ti chukup manah.

Kenu ku Qumang Caro, iya chukup berasai temegah ati ulih enggau bala artis ADP ngaduka Muzik Video Gawai baka ke taun tu ba Serimu Longhouse.

“Endur begambar tu chukup manah. Nyadi taun tu, ADP bisi ngeluarka mayuh macham rentak genre lagu Gawai ungkup semua peninga.

“Lagu chukup badas kena kitai nyerumba pengerami Gawai. Ngarap bala peminat meruan nyukung lagu Gawai ari kami sebuat,” ku iya

Nangkan ke nya Pandi Sam ngarapka bala peninga terperindang enggau lagu Gawai bemacham genre ari kami raban ADP baka ke taun 2022 tu laban udah dua taun kitai semua nadai begawai.

“Baka ke taun tu kitai berami tang anang enda ingat SOP laban Covid-19 agi tubah ngerekai.

“Terus sukung industri muzik kitai Dayak. Selamat Hari Gawai 2022, Gayu Guru Gerai Nyamai ari aku Pandi Sam,” ku iya.

Udah nya, Steve Sheegan arapka muzik lagu Gawai kami ari ADP diterima semua peminat selampur menua Malaysia.

“Chukup manah muzik Gawai baka ka taun tu.Terima kasih ke sukung semua kita ngelama tu,” ku iya.

Enda tinggal madahka pengaga ati diri iya nya Ruby J. Ku iya, Puji Tuhan laban mujur nembuka Muzik Video lagu Gawai tu, aku empu deka nyadaka lagu Pengingat Begulai Gawai ditengkebang Matthius Mambang seduai Jesley Jabu.

“Berasai gaga ati laban udah nerima lagu Gawai ka cukup manah ari seduai ia. Berasai temegah ati laban diberi peluang begulai enggau tujuh penanyi ari raban ADP ke udah nyadaka lagu ti chukup manah baka Timang Sada Kelingkang ke mega ditengkebang komposer tebilang, Matthius Mambang seduai Jesley Jabu.

“Arapka semua lagu Gawai ari raban ADP ulih diterima bala peninga,” ku iya.

Berita Berkaitan

E-Paper

22 Mac 2023

Berita Terbaru

Ubah status maklumat

WASHINGTON: Presiden Amerika Syarikat (AS) Joe Biden menandatangani rang undangundang