ARTIKEL

Timpuh PKPD di Emplaie Ulu udah pupus

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARATOK: Sepenyampau 84 iku peranak Rumah Gending, Emplaie Ulu ditu berasai lantang pengudah timpuh Atur Mindah Betagang Belebas (PKPD) pupus.

Tuai Rumah (TR) Gending Danggat berebak enggau nya meri terima kasih ngagai ejensi enggau raban bekaul laban ke udah gerah jari sereta nentuka sida serumah likun sekumbang timpuh PKPD nya.

“Puji Tuhan,sehari tu (ensana) kami serumah udah mujur mupuska timpuh diasuh bepekul enggau nadai sebarang kes baru dirampit Covid-19.

“Terima kasihka sukung enggau tulung sereta pemeri bantu barang pemakai ari Palan Servis Kaban Parlimen Saratok, orang siku-siku orang enggau Gerempung Ukai Perintah (NGO).

“Enda tinggal mega ngagai bala Rela enggau Polis DiRaja Malaysia (PDRM) Pampang Saratok ti udah kiruh nyaga pengelikun, KKM Saratok laban udah naka ulih bejalaika tanggung pengawa enggau manah,”ku iya madah ngagai Suara Sarawak.

Nya alai, arapka penusah ke udah nyadi meri ajar tauka teladan ngagai kami serumah awakka seruran bejejaga sereta terus ngasika SOP dipadah perintah.

“Diatu, jaga pengelikun pengerai batang tubuh diri empu enggau diri sebilik lalu anang enda ngasika SOP dikena mutuska pengerekai penyakit Covid-19,” ku iya.

Ungkup penemu, Rh Gending berengkah diasuh nitih Atur Mindah Betagang Dipekul (PKPD) berengkah 30 June nyentuk 13 Julai tu tadi pengudah siku indu sida serumah ditemu kena rampit Covid-19.

BERITA LAIN

BERITA TERBARU

Projek naik taraf lima jalan di Meradong siap

BINTANGOR: Penduduk lima penempatan di Meradong kini menikmati kemudahan yang lebih selesa apabila pelaksanaan lima Projek Mesra Rakyat (PMR) membabitkan kerja baik pulih jalan raya