KUCHING: Opis Menteri Kereja Raya enggau Opis Menteri Wang merambu ngatur tinda ‘pra-kelayakan’ enti dibanding tinda tebuka dikena ngerumban proses tinda pakej kereja projek Jalai Raya Pan Borneo.
Sapit Menteri Besai, Datuk Seri Fadillah Yusof madah, taja pen renggat jalai besai nya udah nyapai 98 peratus tembu, bisi 35 pakej kereja di Sabah napi sekeda penanggul.
“Taja bisi pakej udah ditinda, tang bisi urung 18 bengkah kereja projek agi deka diberi tinda.
“Ripot ari Opis Menteri Kereja Raja madah, proses tinda dipelaba tembu taun tu ungkup laluh pakej ti apin ditinda,” ku iya.
Fadillah bejaku munyi nya pengudah bejadi Karnival Ngidupka Diri Renggat Nengeri Sarawak ba Balai Hikmah Kuching, ditu tadi.
Ku iya, baka ti dipadah Menteri Besai, Datuk Seri Anwar Ibrahim malam tadi, perintah meseti lengkas bejalaika pengawa nya.
