Tinda projek tiang pemanchar di Kpg Nyabor benung diserenih

SARATOK: Tinda projek nirika tiang pemanchar ba Kampung Nyabor ditu deka dikeluar enda lama agi.

Sapit Menteri Pengeluar Kuasa enggau Pengeraja Asal, Datuk Ali Biju madahka raban Komiti Komunikasyen enggau Multimedia Malaysia (SKMM) diatu ba renggat nyerenih tinda projek nya.

Ku iya, bungkur arus penyambung deka besai agi lalu kualiti komunikasyen di menua nya deka meruan agi enti projek tembu digaga ila.

“Projek ba Kampung Nyabor tu sebagi ari 11 iti tiang pemanchar ti diperambu ungkup sitak Parlimen Saratok.

“Bulan Oktober taun nyin tadi, aku udah ngatur pejalai nemuai ke Indu Opis Wilayah SKMM di Kuching lalu mendingka penerang pasal Pelin Sambung Digital Menua (Jendela) tu.

“Staf aku empu udah berandau enggau staff SKMM Kuching, Scott ti madahka projek nya diatu udah datai ba renggat nyerenihka tinda.

“Udah tembu diserenih, kunteriktor deka dipadu gawa lalu kereja nirika tiang nya ulih dipejalai enggau lengkas,” ku iya ba sebengkah penerang tadi.

Berita penuh Ruai 2 pagila

Suara Sarawak