Tinggal 49 iku orang tasah bah agi ngenduh ba PPS

KUCHING: Penyampau orang tasah bah ti diau ba Palan Ngenduh Enda Lama (PPS) bekurang ngagai 49 iku ngaul 18 ruang bilik naka pukul empat lemai tadi.

Komiti Penyangga Penusah Ngenyit Nengeri (JPBN) dalam penerang media madahka semina PPS Balai Baru Kampung Rimba Padi di Bagi Menua Serian agi dibuka naka diatu.

Kelimpah ari nya, PPS Balai Kampung Lintang Baru endur 88 orang tasah bah udah ditutup pukul tiga lemai tadi ketegal gaya bah ba genturung udah surut.

Dulu ari nya, JPBN madahka dua PPS udah ditutup iya nya PPS Balai Mensia Mayuh Kampung Lubok Buntin (Simunjan) pukul 1 lemai enggau PPS Balai Betong Kanowit pukul 2 lemai tadi.

Suara Sarawak