SARIKEI:Program Ngabas Kaul ti keterubah iya diatur Parti Sa’ati Rayat Sarawak (SUPP) sitak Dun Repok udah nerima sambut sereta puji ti manah ari bala pengundi ba Repok.
Chalun SUPP ditu, Dato’ Sri Huang Tiong Sii madahka tuju program tu diatur dikena semak agi begulai enggau rayat mayuh kelebih agi bala pengundi ba Dun Repok.
Berebak enggau nya, Tiong Sii bisi nyuaka surat penerang ngagai bala pengundi.
Nitihka timbal ari bala pengundi ba Dun Repok, pengawa chalun GPS tu udah nerima puji lalu madahka iya (Huang) udah mayuh mai pemansang sereta pemeri ti udah dibai dibaruh pegai Kepala Menteri Sarawak ti mega Chairman GPS, Datuk Patinggi Tan Sri Abang Johari Tun Openg.
Tiong Sii bejalaika kimpin ungkup Pengawa Bepilih Besai Nengeri (PRN) Sarawak nitihka Atur Pengawa Standard (SOP) ti udah ditetapka Komiti Penyaga Penusah Nengeri Sarawak (JPBNS) enggau Komiti Besai Pengawa Bepilih (SPR).
