ARTIKEL

10 BEBADI NYAWA… Dua bilun engkabang TLDM belantak sebedau labuh lebuh ngaga raptai Latih Meri Basa Ngintu HUT TLDM Ke-90, pagi tadi.

TLDM numbuh kaunsil pemansik insiden dua bilun engkabang belantak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUALA LUMPUR: Raban Soldadu Tasik DiRaja Malaysia (TLDM) deka numbuhka Kaunsil Pemansik dikena ngelala pun penusah dua bilun engkabang TLDM ti labuh di Pengkalan TLDM Lumut, pagi tadi.

Nengah sebengkah penerang ba hari ke sama, TLDM ngenukuka sebuah Bilun Engkabang Operasyen Maritim (HOM-AW139) TLDM enggau sebuah bilun engkabang FENNEC TLDM labuh lebuh raptai bebaris Hari TLDM Ke-90 di Pengkalan TLDM Lumut pukul 9.32 pagi.

“Insiden tu ngaul tujuh kru HOM TLDM enggau tiga kru Fennec TLDM.

“Semua sida nya ditukuka bebadi nyawa ba penusah nyadi lalu udah dianjung ke Sepital Raban Soldadu Pengkalan TLDM Lumut ngambi dikelala,” terang iya.

Berebak enggau nya, TLDM minta mensia mayuh enda ngerembaika video pasal penusah ngambi nyaga sensiviti orang sebilik sereta pejalai pansik.

Dulu ari nya, pengawa Latih Meri Basa Ngintu HUT TLDM Ke-90 nyau pulaika penusah lebuh dua bilun engkabang TLDM belantak lalu labuh.

Nitih ke penerang tumu, dua bilun engkabang nya model HOM enggau Fennec bekejang ari Padang Sitiawan pukul 9.03 pagi.

Baca lain  Rh Changgai, Ulu Niah nyau deka bebadi angus

Urung pukul 9.45 pagi, nerima berita ari Mk Langit madah ke bisi sebuah HOM (M503-3) enggau sebuah Fennec (M502-6) udah belantak lebuh Latih Meri Basa Ngintu HUT TLDM Ke-90.

“Bilun engkabang HOM labuh di di tangga Stadium TLDM Lumut seraya bilun engkabang Fennec labuh di pegung nyemerai Komplek Lumba TLDM Lumut,” ku penerang nya.

Berindik ari penusah nya, raban bomba, 96 HAT enggau Protela udah diasuh ngesah ngagai endur penusah nyadi.

Bepelasarka video ti dikerembai, kededua bilun engkabang nya dipebasa belantak lebuh deka ngaga formasyen terebai raptai meri basa ke diperambu diatur ba langit Pengkalan TLDM Lumut.

Ketegal belantak, kededuak bilun engkabang nya nyau enda ulih ditagang sebedau labuh.

NOTIS TENDER

BERITA LAIN

Sarawak ngembuan mayuh produk dagang temuai

KUCHING: Sarawak sekali agi negapka penuduk nyadi palan program dagang besai ba Eksibisyen Worldwide ungkup Dagang Temuai Insentif, Aum enggau Program (IMEX) Frankfurt ba Jerman

Komiti khas ditumbuh munas penyeranta

KUCHING: Kaban Komiti Khas deka ditumbuh ngambi mantu munas penyeranta ba selampur bagi menua di Sarawak. Menteri Pemansang Indu, Nembiak Mit enggau Pengintu Pengelantang Komuniti,

BERITA TERBARU