ARTIKEL

Tuah Felecia ngempu gelar Kumang PKPMJS 2023

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Indu bajik ari Sungai Pak Sibu, Felecia Raymond, 25, dipadu nyadi Kumang ba Final Pekit Kumang Gerempung Pengintu Pengelantang Orang Bumai Maju Jaya Sibu (PKPMJS) 2023.

Felecia mujur mai pulai perais mata duit RM1,500, perengka karan, jumpang, trofi, selampai, bungai, baucher RM200, set kebaya enggau kantung Mary Kay pengudah iya ngalahka lapan pemekit bukai.

Kelimpah ari nya, Felecia mega menggi gela Miss Photogenic ngujungka iya nerima perais baucher begambar kediri dipelanja Good Vives Photography and Beauty Studio.

Gela Lulong dipenggi dara bajik ari Oya Tamin, Selangau, Tiffany Cassandra, 21 taun.

Iya mai pulai perais RM1,000, perengka karan, jumpang, trofi, selampai, bungai, voucher RM180, set kebaya enggau kantung Mary Kay.

Nangkan nya, dara bajik ari Sungai Pedai, Kanowit, Lucyca Ngelambong, 22, bulih gelar Selinggar Matahari.

Iya mujur mai pulai perais RM800, perengka karan, jumpang, trofi, selampai, bungai, baucher RM150, set kaftan enggau kantung Mary Kay.

Kelimpah ari nya, lumur empat ngagai lumur semilan semina nerima perais sagu ati mata duit, baucher enggau trofi.

Sida tu iya nya Clarissa Rinya Setian, Junai Buau, Manisha Vyonnie Gelebat, Maly Ladon Joseph, Emylia Senia Payu enggau Valentia Racha Thomjones.

Pekit nya diatur PKPMJS beserimbai Pengerami Malam Mantar Gawai enggau Final Pekit Kumang PKPMJS 2023 ba sebuah restoran, 6 Mei tu tadi.

BERITA LAIN

BERITA TERBARU

‘Strongman Challenge’ tarik minat orang awam

KUCHING: Penganjuran pertandingan ‘Strongman Challenge’ dapat menggalakkan gaya hidup sihat dan minda yang kuat dalam kalangan anggota polis serta orang awam. Komandan Pulapol Kuching, SAC