Tuah Harry Gramong ba Pekit Engkeratong

KUCHING: Peranak asal Julau, Harry Gramong dipadu menggi gelar Champion Pekit Engkeratong Trofi YB Jugah Muyang lalu pulai mai perais mata duit RM500.

Nitihka penerang dikunsi ba laman Facebook Iban Troll Official, igat Harry mujur ngalahka 96 iku pemekit bukai lebuh bepekit ngerebut gelar nya.

Ba penuduk lumur dua, Sia Miggeh ari Selangau nerima perais RM300 ditangkan Barat Enchan ari Skrang bulih lumur tiga bulih RM200.

Nambahka nya, pemekit ari Kuching benam Sharone Jerome bulih perais RM200 pengudah menang ba Kategori Sebedau enggau Pengudah Pemadu Manah Dipeda.

Kelulu digaga Munan Gutak asal ari Nanga Sempang, Lubok Antu udah narit ati mensia mayuh ngujungka iya nyadi pemenang Kategori Background Deco Pemadu Manah, bela nerima RM200.

MANDING NYADI ENGKERATONG … Harry Gramong asal ari Julau menggi gelar champion Pekit Engkeratong Trofi YB Jugah Muyang.

 

NEMU BEKELULU… Barat bulih lumur tiga enggau mai pulai perais mata duit RM200. 

Suara Sarawak