LONDON: Siku lelaki Britain tetemu ke siti batu meteroit 1.02 kilogram pemerat ti dipelaba berega nyentuk £100,000 tauka RM546,899.

Tony Whilding, 38, ari mengeri Wrexham, Wales Utara tetemu ke batu nya ba sebuah ladang pengudah ngiga batu nya pengelama 18 bulan.

Iya berengkah ngiga batu nya pengudah siti api segala mansa rumah iya enggau kilang semak nya.

“Maya nya, aku benung nginsap ba belakang rumah urung tengah malam lalu aku tepeda ke langit terang ba atas pala aku.

“Aku merening ke atas lalu tepeda ke siti api segala ti disempulang asap terebai baruh mansa rumah aku.

“Api nya majak terang lebuh semak rumah aku lalu enti kitai nyipak bol ke langit sigi tekena ke api segala nya laban kelalu baruh,” terang iya.

Pengudah tetemu ke batu nya, iya mai batu nya ngagai bala pakar ngambi dipansik.