ARTIKEL

Tuah Vivyene Voon champion Kumang Gawai Gedong 2023

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

GEDONG: Siku dara penakan China-Iban, Vivyene Voon Xien Sin, 18, mujur dipadu nyadi Kumang Gawai Renggat Pelilih Gedong 2023.

Iya mujur dipilih ba renggat kepenudi pengawa milih Kumang Gawai beserimbai Pengerami Gawai Pelilih Gedong ba Ulu Gedong empai lama.

BEJADI… Abang Johari ti disempulang Datuk Mohd Naroden Majais diberi basa ngiling bidai kelai nutup Pengerami Gawai ba Ulu Gedong.

Vivyene Voon nerima jumpang enggau selampai khas Kumang Gawai sereta perais bukai ti disua Kaban Parlimen Batang Sadong, Rodiyah Sapiee.

Program nya dikemata Premier Sarawak ti mega ADUN Gedong, Datuk Patinggi Tan Sri Abang Johari Tun Openg ti nyadi temuai dipebasa ba program nya.

Iya madahka diri temegah ati dipadu nyadi Kumang Gawai Renggat Pelilih Gedong ba taun tu.

“Aku nadai ngadang diri mujur dipadu nyadi Kumang Gawai tang aku ngembuan pengandal ati diri ulih mai ubah ngerichahka agi Program Gawai Renggat Pelilih Gedong 2023 tu.

“Lebih manis lebuh aku bepeluang mandangka pekayan asal komuniti Iban ba mua bala temuai dipebasa kelebih agi Premier Sarawak.

“Tu siti turai sejarah baru ba aku,” ku iya rambau dirandau pemberita sehari tu.

Vivyene Voon ngembuan juluk deka nyadi siku Pengatur Pengawa Nenun Pua Kumbu ba Kampus Satelit Betong enti diberi peluang.

Pia mega, Merryssa Nightingale Guang, 21, mujur ngempu penuduk kedua ba Pekit Kumang Gawai Renggat Pelilih Gedong 2023.

Berebak enggau nya, Merryssa bela nerima jumpang enggau selampai khas Kumang Gawai enggau sekeda perais bukai ari Rodiyah.

“Aku berasai temegah taja semina bulih penuduk kedua lalu tu meh keterubah aku masuk pekit Kumang Gawai.

“Aku ngembuan juluk deka ngaga pemadu manah ba Pekit Kumang Gawai dudi hari,” ku nembiak ti ngambi kus undang-undang ba sebuah palan pelajar tinggi ba menua tu.

Dara ti datai ari Kampung Spaoh, Simunjan nya madahka diri temegah enggau gaga ati mandangka pekayan asal komuniti Iban ba mua Premier Sarawak enggau sekeda temuai dipebasa bukai.

Penuduk ketiga dipenggi Carrisma Anti Jawing lalu iya madahka diri beterima kasih taja enda mujur menggi gelar Kumang Gawai Simunjan 2023.

Ku iya, pemuntan ngempu gelar Kumang Gawai nya ukai mai reti iya ngetu naka nya aja tang nya dikena iya nyikap diri napi pekit sebaka dudi hari.

“Aku merambu deka masuk Pekit Kumang Gawai tu dudi hari enggau ba renggat ti besai ngambi ulih ngangkat nama manah genturung pendiau enggau pelilih diri ngagai orang bukai,” ku iya ti datai ari Kampung Kepayang.

Tujuh pemekit ti bukai baka Elisha Eurika Hardy, Arlene Stephanne Kumba, Shammeline Ratha, Jessica Jelawai Lakamor, Camelia Rinta Johny, Nurul Fatihin Sapar enggau Rachel Patrick.

Ba program nya, Abang Johari enggau temuai dipebasa bukai diberi basa ngetas ranyai enggau Ngiling Bidai kelai pengawa nutup Pengerami Gawai.

BERITA LAIN

Belematika pemesai reti turai sejarah Sarawak

SIBU: Pengerami ‘722 Run For Sarawak’ udah dikelala nyadi sebengkah pengerami ti besai reti nyerumba Hari Sarawak. Sapit Menteri Pengerai Mensia Mayuh, Pengawa Berumah enggau

JHS chakah nyaga ekosistem bakau

KUCHING: Opis Kampung Sarawak (JHS) enggau raban volunteer ari Kampung Buntal nanam 200 paung kayu Bakau Kurap (Rhizophora Mucronata) sereta ngumpul 171 kilogram uras ba

BERITA TERBARU

Kepimpinan kerajaan bekerja keras majukan Sarawak

BINTULU: Para pemimpin Kerajaan Sarawak terus bekerja keras demi memajukan negeri ini. Menteri Industri Makanan, Komoditi dan Pembangunan Wilayah Sarawak, Datuk Seri Dr Stephen Rundi

Belematika pemesai reti turai sejarah Sarawak

SIBU: Pengerami ‘722 Run For Sarawak’ udah dikelala nyadi sebengkah pengerami ti besai reti nyerumba Hari Sarawak. Sapit Menteri Pengerai Mensia Mayuh, Pengawa Berumah enggau